അന്നം മുടക്കുന്നവര്‍

ലോകത്ത് എണ്‍പത് കോടി ജനം പട്ടിണിയില്‍, അന്താരാഷ്ട്ര പരിസ്ഥിതി സമ്മേളനം ഫലം കണ്ടെന്നും, കണ്ടില്ലെന്നും വാര്‍ത്ത.
പ്രകൃതിക്ഷോപം, ആഭ്യന്തര സംഘര്‍ഷങ്ങള്‍, യുദ്ധങ്ങള്‍, വരള്‍ച്ച ഇതൊക്കെയാണ് പ്രതികളെന്ന പതിവ് വ്യാഖ്യാനങ്ങള്‍.
കൂലിപ്പണിക്കാര്‍ക്ക് ദിവസക്കൂലി കൂടിയത് സമര്‍ത്ഥമായി കോര്‍പ്പറേറ്ററുകള്‍ കൊള്ളയടിച്ചു കൊണ്ടുപോകുന്നു. തൊഴിലാളികളുടെ കയ്യില്‍ വന്നു ചേരുന്ന അധിക വരുമാനം മുതലാളിയില്‍ എത്തിച്ചേരുന്ന- ''സാമ്പത്തിക മെക്കാനിസം''
ഗുജറാത്തിലെ ശരാശരി കൂലി 110 രൂപയാണത്രെ! സ്‌കൂളുകള്‍ രണ്ട് മുറികള്‍, ബാക്കി മുറ്റത്ത്. പണമൊക്കെ നഗര വാസികള്‍ക്ക് വേണ്ടിയാണ് മുടക്കുന്നത് രത്തന്‍ ടാറ്റക്ക് പത്ത് ശതമാനം വിലക്ക് നാനോ കാറിന് സ്ഥലവും, ആദായ വിലക്ക് വൈദ്യുതിയും, അടിസ്ഥാന സൗകര്യങ്ങളും. മുതല്‍ മുടക്കിന്റെ പലമടങ്ങ് ലാഭം സര്‍ക്കാര്‍ വക. ''നമ്മുടെ അബ്ദുല്ലക്കുട്ടി പോലും ഈ മാതിരി വികസനം വരണമെന്ന് വിചാരിക്കുന്ന നിയമനിര്‍മാണ സഭാംഗം!?''

കേരളത്തില്‍ അരിവില ഇപ്പോള്‍ 44 രൂപ. 20 ലക്ഷം കുടുംബത്തിന് ഒരു രൂപ നിരക്കിലും 8 ലക്ഷം കുടുംബത്തിന് 2 രൂപന നിരക്കിലും അരി കൊടുക്കുന്നുവെന്നും ബാക്കി വരുന്ന 2.50 കോടി സാധാരണക്കാര്‍ (മിഡില്‍ ക്ലാസ്) എന്ന് പറയുന്ന 90 ശതാമാനത്തിലധികം വരുന്ന പാവപ്പെട്ടവര്‍ 44 രൂപക്കരിവാങ്ങാന്‍ പറമ്പും, വീടും വില്‍ക്കേണ്ടി വരും.
വിലകൂട്ടാന്‍ മൊത്ത അരിക്കച്ചവടക്കാര്‍ ഗൂഡാലോചനയും, ഗൂഡപ്രവര്‍ത്തിയും നടത്തുന്നു എന്ന് പത്രക്കാരെ വിളിച്ച് മുഖ്യമന്ത്രി ഉമ്മന്‍ ചാണ്ടി പറഞ്ഞത് ശരിയായോ. ഇങ്ങനെയുള്ള സാമൂഹ്യ ദ്രോഹികളെ പിടിച്ചു കെട്ടാനാവില്ലെങ്കില്‍ രാജ് ഭവനില്‍ പോയി കൊടുക്കേണ്ടത് കൊടുക്കുന്നതല്ലേ ധാര്‍മ്മികത.

ഗോഡൗണില്‍ വിശ്രമിക്കുന്ന അരി പെട്രോളൊഴിച്ചു കത്തിച്ചു കളഞ്ഞത്രെ?. ഒന്നാം ഘട്ടത്തില്‍ തോമസ് അംഗീകരിച്ചില്ല. രണ്ടാം ഘട്ടത്തില്‍ പതിവ് മറുപടി നടപടി എടുക്കും. ഒരു ലക്ഷം ടണ്‍ അരി അധികമായി കേരളത്തിന് അനുവദിച്ചു.
കഴിഞ്ഞ വര്‍ഷം റിക്കാര്‍ഡ് വിളവും, സംഭരണവും നടന്നു എന്നാണ് തോമാതന്നെ പറയുന്നത്. ആന്ധ്രയിലെ ''ജയാ'' അരിയെ കുറിച്ചാണിത് പറയുന്നതെങ്കില്‍ ആ അരിയെവിടെ ?. കറണ്ട് ചാര്‍ജ് കുത്തനെകൂട്ടി സഹിക്കാമായിരുന്നു പക്ഷേ കരണ്ടില്ല. സ്പയര്‍ പാര്‍ട്ട്‌സുകള്‍, പ്രട്രോളിയം ഉല്‍പ്പന്നങ്ങള്‍, കൂലി ചെലവുകള്‍ എല്ലാ കൂടി കൂടിയത് 40 ശതമാനം. ബസ് ചാര്‍ജ് വര്‍ദ്ദിപ്പിച്ചതോ 64 ശതമാനം.

''അഞ്ചാം മന്ത്രി'' വര്‍ഗ്ഗീയവല്‍ക്കരിച്ച് രണ്ടാമത്തെ വകുപ്പും കൂടി ഗ്രൂപ്പ് കളിച്ച് വാങ്ങിയ ഗതാഗതം, വൈദ്യുതി പോലെ മുടന്തിയാണ് നീങ്ങുന്നത്. ഫയര്‍ സ്റ്റേജ് നിര്‍ണ്ണയത്തിലെ ഒരപാകതയും പരിഹരിച്ചിട്ടില്ല. സാധാരണക്കാരുടെ നടുവൊടിയുന്ന ഗതാഗതവും, ഇരുട്ടിലാക്കിയ വൈദ്യുതിയും.
ഉദ്യോഗസ്ഥരാണ് ഭരണം. അപവാദം കൂടിയാല്‍ അരഡസന്‍ മന്ത്രിമാര്‍ ഇതാണത്രെ സെക്രട്ടറിയേറ്റിലെ സ്വകാര്യ വര്‍ത്തമാനം. സാക്ഷാല്‍ തിരുവഞ്ചൂര്‍ രാധാകൃഷണനെ കണ്ണൂരില്‍ കാലു കുത്താന്‍ വിടില്ലെന്ന് സ്വന്തം പാര്‍ട്ടി പറഞ്ഞപ്പോള്‍ എന്നാല്‍ ഞാന്‍ ബാക്കി 13 ജില്ലകിളില്‍ പോവുമെന്ന് ആഭ്യന്തര മന്ത്രി. കേമമാണ് ഇതൊക്കെന്നെങ്ങനെ പറയും?. അച്ചുത മേനോന്‍, ഇമ്പിച്ചിബാവ, സി.എച്ച്., കരുണാകരന്‍ ഈ മുന്‍കാമികളെ ഓര്‍ക്കാന്‍ കേരളീയര്‍ക്ക് കഴിയുന്നു. അവര്‍ ഭരണാധികാരികളായിരുന്നു. ഉദ്യോഗസ്ഥന്മാരെയും അവര്‍ ഭരണഘടനാ വരുതിയില്‍ നിന്ന് ഭരിച്ചിരുന്നു.
മറ്റുള്ളവരില്‍ പലരും ഉദ്യോഗസ്ഥരാല്‍ ഭരിക്കപ്പെട്ടു. പൗരന്‍മാരെ ഭരിക്കാന്‍ തിടുക്കംകാണിക്കുന്നവരായി മാറുകയാണ്.
വിപണിയില്‍ ഇടപെടും എന്ന് എത്ര വലിയ വോളിയത്തിലാണ് മന്ത്രിമാര്‍ പറയുന്നത്. മാര്‍ക്കറ്റിലെ സാധനങ്ങള്‍ പര്‍ച്ചേഴ്‌സ് നടത്തും എന്നാണര്‍ത്ഥമാക്കുന്നുവെങ്കില്‍ കുറ്റപ്പെടുത്താനാവില്ല.
ത്രിവേണിയില്‍, മാവേലിയില്‍, റേഷന്‍ കടകളില്‍ അരികിട്ടാനുണ്ടോ? ഉണ്ടെങ്കില്‍ പൊതു മാര്‍ക്കറ്റില്‍ എങ്ങനെയാണ് വിലയിങ്ങനെ റോക്കറ്റ് വേഗത്തിലുയരുക. ഉള്ളിവില ഉയര്‍ന്ന് മഹാരാഷ്ട്രയില്‍ ഭരണം പോയ കഥയുണ്ട്. കേരളത്തില്‍ ഉള്ളിവില 60 രൂപ ക്വിന്റലിനല്ല കിലോക്കാണിപ്പോള്‍.
പൗര ബോധം മുഞ്ഞബാധിച്ചതിനാല്‍ പ്രതികരണം മുളക്കുന്നില്ല. റോഡില്‍ അടപ്പുപൂട്ടി നടത്തിയ സമരം സഹ പ്രവര്‍ത്തകര്‍ തന്നെ പെങ്കോലയെന്ന് വിളിച്ച് കളിയാക്കിയ ക്ഷീണം നിലനില്‍ക്കുന്നു. വിലക്കയറ്റം അസഹനീയമാണ്. തൊഴിലാളികളും, സാധാരണക്കാരും ശ്വാസംമുട്ടുന്നു. കഞ്ഞികുടിമുട്ടിക്കുന്ന ഭരണം എന്ന പേര് ദോഷവും കൂടി ഉമ്മന്‍ ചാണ്ടിക്ക് വന്നു ചേരുകയാണ്. സംമ്പാദിച്ചു ചീത്ത പ്പേരുകള്‍ നിലനിര്‍ത്താനെങ്കില്‍ പിന്നെന്ത് പറയാനാണല്ലേ ?. എന്നാണ് ചിലരുടെ പക്ഷം.
ശരാശരി ആഴ്ചയില്‍ മൂന്നോ നാലോ ദിവസത്തിലധികം കായികാധ്വാനമുള്ള ജോലിയെടുക്കാനാവില്ല. ദേശീയ തൊഴിലുറപ്പു പദ്ദതി പോലും 150 ദിവസമില്ല. 360 ദിവസവും ജീവിക്കണമല്ലോ.
ഒരു വീട്ടില്‍ പട്ടിണികിടക്കാന്‍ തന്നെ കഷ്ടി ആയിരം രൂപ മാസം വേണം. കരണ്ട് ചാര്‍ജ്, വെള്ളക്കരം, ഭൂ നികുതി, കെട്ടിട കരം എന്നിത്യാതികളൊന്നും മാറ്റിവെക്കാനാവില്ലല്ലോ. പിന്നെ ചാനല്‍, മൊബൈല്‍ ഇത് കൂടി ചേര്‍ക്കുക. കുട്ടികള്‍ക്ക് സ്‌കൂളുകളിലേക്ക് ട്യൂഷന്‍ ഫീ, പി.ടി.എ. ഡൊണേഷന്‍, കംപ്യൂട്ടര്‍ ഫീസ്, സ്റ്റഡി ട്ടൂര്‍, കലാ-കായിയ ഫീസുകള്‍ അങ്ങനെ നൂറ് കൂട്ടം പിരിവുകള്‍. ഇതൊക്കെ സമയാസമയം നല്‍കീട്ടില്ലെങ്കില്‍ ''മൂരാച്ചി'' പട്ടികയിലിടം. കുട്ടികള്‍ക്ക് പീഡനം, രക്ഷിതാക്കള്‍ക്ക് മാനഹാനി, കുടംബ വഴക്ക് ആതിയായ ആതികള്‍- ഇതിനിടയിലാണ് പലവ്യജ്ഞന കടകള്‍ ഭയപ്പെടുത്തുന്ന സ്ഥാപനങ്ങളായി വളരുന്നത്.
പാര്‍ലിമെന്റില്‍ ഭക്ഷ്യ സുരക്ഷാ ബില്ലും വരാനിരിക്കുന്നു. ഭക്ഷണം ഓരോ മനുഷ്യരുടെയും മൗലികാവകാശത്തില്‍ പെടുത്തി ആവശ്യമായ ''കലോറി'' ലഭ്യമാക്കാന്‍ ഭരണകൂടങ്ങള്‍ക്കുള്ള ബാധ്യത ഉറപ്പിക്കുന്നതാണത്രെ നിര്‍ദ്ദിഷ്ടബില്ല്. സംഗതികള്‍ ഇങ്ങനെയായാല്‍ കര്‍ഷക ആത്മഹത്യ പോലെ പട്ടിണി മരണങ്ങളും ഒരു തുടര്‍ക്കഥയാവും.
മലയോരങ്ങളിലെ പല ആദിവാസികളും അധികകാലം ഉണ്ടാവുമെന്ന് പറയാനാവില്ല. ഇപ്പോള്‍ തന്നെ മദ്യം അവരെ തകര്‍ത്തിരിക്കുന്നു. രോഗം കീഴടക്കിയിരിക്കുന്നു. കഠിനാധ്വാനം അവരുടെ വംശനാശങ്ങള്‍ക്ക് കാരണമാവും. അകാലമരണം. മാരക രോഗങ്ങള്‍, ഇതൊക്കെ ഭംഗിവാക്കാണെന്നാവും അധികാരികള്‍ക്ക് പറയാനുണ്ടാവുന്നു. ഉദ്യോഗസ്ഥര്‍ (?) നല്‍കുന്ന സ്ഥിതി വിവരക്കണക്കാണല്ലോ ഏക ആശ്രയം. മന്‍മോഹന്‍സിങ്ങും, കപില്‍ സിബലും, ശശി തരൂരുമൊക്കെ എത്ര ഗൃഹപാഠം ചെയ്താലും സാധാരണക്കാരെ പഠിക്കാനെങ്ങനെ കഴിയും. പോയകാല രാഷ്ട്രീയവും നേതൃത്വവും വിജയിച്ചതും ഇപ്പോള്‍ പരാജയപ്പെടുന്നതും മറ്റൊന്നുകൊണ്ടല്ല.